Аԥсны Аҳәынҭқарра Ахада Гәынба Бадра апоет, алитератураҭҵааҩ, акритик, аиҭагаҩ, ажурналист, ауаажәларратәи аҳәынҭқарратәи усзуҩы, Аԥсны Иреиҳаӡоу Асовет ԥасатәи адепутат, Аԥсны Аҳәынҭқарра ԥасатәи акультура аминистр, Аԥсны Аҳәынҭқарра ԥасатәи аԥыза-министр ихаҭыԥуаҩ, афилологиатә ҭҵаарадыррақәа рдоктор, Аԥсны Аҭҵаарадыррақәа Ракадемиа академик, Аԥсны акультура зҽаԥсазтәыз аусзуҩ, СССР Ашәҟәыҩҩцәа Реидгыла, Аԥсны Ашәҟәыҩҩцәа Реидгыла, Аԥсны Ашәҟәыҩҩцәа Рассоциациа, Урыстәыла Ашәҟәыҩҩцәа Реидгыла, Аԥсны Ажурналистцәа Реидгыла, Урыстәыла Ажурналистцәа реидгыла, Ажурналисттә еидгылақәа жәларбжьаратәи рконфедерациа, Д.И. Гәлиа ихьӡ зху Аҳәынҭқарратә премиа алауреат рыԥсыжра аиҿкааразы Аҳәынҭқарратә комиссиа аԥҵаразы. «Ахьӡ-Аԥша» аорден II аҩаӡара занашьоу Владимир Занҭариа иԥсыжра аиҿкааразы Аҳәынҭқарратә комиссиа аԥҵаразы Адҵа инапы аҵаиҩит. 

Аҳәынҭқарра Ахада Иусԥҟала еиҿкаауп аҳәынҭқарратә ҳәырԥсарра ҿыц «Алаҳаш-абаа» ▫️ Аԥсны Аҳәынҭқарра Ахада Гәынба Бадра «Аԥсны Аҳәынҭқарра аҭоурых-культуратә ҭынха аобиектқәа рҳәынҭқарратә сиа аԥсахрақәа ралагаларазы», «Аԥсны аҳәынҭқарратә ҭоурых-архитектуратә, археологиатә, аҭоурых-культуратә ҳәырԥсаррақәа Рсиа аԥсахрақәа ралагаларазы» рзы Аусԥҟақәа инапы рыҵаиҩит. ▫️ Атәыла Ахада идикылаз азыӡбала аҳәынҭқарратә ҭоурых-архитектуратә, археологиатә, аҭоурых-культуратә ҳәырԥсаррақәа рсиа харҭәаауп аобиект ҿыц — Маркулатәи аҭоурых-архитектуратә ҳәырԥсарра «Абаа Алаҳаш-абаа » ала. ▫️ Аҳәырԥсарра Алаҳаш аҳаблан Маркула аӡиас армарахьтәи аԥшаҳәа ахәҟьаҟьара ҳарак аҿы ишьҭоуп. Аобиект абаҟақәа ркомплекс иалоуп: ▫️ Алаҳаш-абаа абааш (ҳ.ҳ. III-XIV ашә.-қәа);  ▫️ Аныха (IV ашә., ҳ.ҳ. XIV–XV ашә-қәа.); ▫️ Менгир (анеолит, абжьарашәышықәса); ▫️ Аԥсыжырҭа (I ашә. ҳ.ҟ. – I ашә.ҳ.ҳ.);  ▫️ Афатә-ажәтә ашьҭаҵарҭа (III-VIII ашә.-қәа ҳ.ҳ.);  ▫️ Абаа аҭӡамцқәа (III–IV ашә. .-қәа ҳ.ҳ; XIV-XV ашә. .- қәа ҳ.ҳ); ▫️ Абаа (III–IV ашә.; XIV-XV ашә.); ▫️ Археологиатә культуратә ҿыгҳарақәеи аԥшаахқәеи (VIII ашә.ҳ. ҟ. – XV ашә.ҳ.ҳ.).

 

Аҧсны Аҳәынҭқарра Ахада Гәынба Бадра Аҳәынҭқарратә архивтә усбарҭа аиҳабы Ӷәынџьиа Роман Аԥсны Аҳәынҭқарратә архивтә усбарҭа ашьақәгылареи аҿиареи рыҟны хаҭалатәи илагаламҭеи шықәсарцәалатәи ламысцқьала иусуреи рзы «Ахьӡ-Аԥша» аорден  III аҩаӡара ианашьаразы Аусԥҟа инапы аҵаиҩит.