Цәыббрамза 1 ишаԥу еиԥш, акәашарақәа, ашәаҳәара, ажәеинраалақәа рыԥхьарала еиҿкаау аныҳәатә цәаҳәала иазгәарҭеит.
Аҳәынҭқарра Ахада арҵаҩцәеи, ашколхәыҷқәеи, аҭаацәеи ирыдиныҳәалеит аҵарашықәс ҿыц алагамҭа.
Аԥсны Ахада Гәынба Бадра иҟаиҵаз анапынҵала Аҵара аминистрра сынтәа раԥхьаӡакәны актәи акласс ахь ицаз аҵаҩцәа аҳамҭақәа рызнархиеит. Урҭ зегьы хаҭа-хаҭала иранашьан актәи акласс ахь ицо аҵаҩы ииҭаху маҭәахәыла иеиқәыршәоу ашәырақәа.