Аныҳәатә усмҩаԥгатә далахәын Аԥсны Ахада Гәынба Бадра. 

 Ахада Софа Агәмааԥҳа длыдныҳәалеит, иазгәеиҭеит Аԥсны аҟазареи акультуреи рыҟны ллагаламҭа.

 «Шәара шәбаҩхатәреи шықәсырацәа асценаҟны шәусуреи абиԥарақәа акыр аҟазара абзиабара рыланааӡеит.

Ишәзеиӷьасшьоит агәабзиара, ахәаԥшҩцәа рыбзиабара шәыгымзааит. Сара агәра згоит шәырҿиара аԥхьаҟагьы аҟазара абзиабаҩцәа агәахәара шырнаҭало» ,  — иҳәеит Ахада.

Аҳәынҭқарра Ахада иара убас аиубилеи адиныҳәалеит Аԥсуа ҳәынҭқарратә аҿартә театр, аколлектив иазеиӷьеишьеит арҿиаратә еихьӡарақәа.

Иахьа Ахада иусԥҟала арҵаҩратә усураҟны, иара убас зыквалификациа ҳараку аспециалистцәа разыҟаҵараҟны лылшамҭақәа рзы Софа Агумааԥҳа «Аԥсны Аҳәынҭқарра иреиҳаӡоу ашкол зҽаԥсазтәыз аусзҩуы» ҳәа ахьӡ лыхҵоуп.