Абри азы Аҳәынҭқарра Ахада абри аҳәамҭа ҟаиҵеит Лыхнашҭа аныҳәаҟны иқәгылараан.
2024 шықәсазы апрограмма анагӡаразы иазгәаҭан 150 миллион мааҭ, сынтәа иазԥхьагәаҭан ари абри абиуџьет ашьҭыхра 250 миллион мааҭ рҟынӡа.
Аха акыҭанхамҩа Аԥсны аекономика аҿиараҟны инанагӡо ихадароу ароли акыҭеи анхаҩи комплексла адгылара рыҭаразы иҟоу аҭахреи ҳасаб рзуны, Аԥсны Ахада Гәынба Бадра азыӡба идикылеит афинансзоужьра 500 миллион мааҭ рҟынӡа ашьҭыхразы.
Абри инақәыршәаны Аминистрцәа Реилазаара адҵа рыҭоуп.