Тирасполь ари ахҭыс ианамданы имҩаԥысит аныҳәатә еилатәара. Аилатәараҟны Аԥсны Ахада Гәынба Бадра иҟнытә ацҳамҭа иаԥхьеит.
Адныҳәаларатә цҳамҭаҟны иҳәоуп:
«Ҳаҭыр зқәу Вадим Николаи-иԥа, акыр иаԥсоу Приднестровиатәи Молдавиатәи Аеспублика атәылауаа!
Аԥсны Аҳәынҭқарра анапхгареи ажәлари рыхьӡала, хаҭала сара сыхьӡала Шәара аԥхьа шәнаргыланы, Приднестровиатәи Молдавиатәи Аеспублика ажәлар зегьы гәык-ԥсык ала ишәыдысныҳәалоит Молдавиатәи Ареспублика иазгәанаҭоит ишьақәгылеижьҭеи 35-шықәса аҵра амш!
Аҵак ду змоу ари арыцхә символра азнауеит приднестровиатәи ажәлар ахатәҳәаақәҵареи рхы иақәиҭны аҿиареи рзы азин азықәԥараҟны иаадырԥшыз агәымшәара, ахачҳара, агәаӷьра. Ҳреспубликақәа рҭоурых акыр иахьеиԥшу ыҟоуп, ҳара ҳаиднакылоит аҭынчреи ахьыԥшымреи аиқәырхаразы иҳамоу агәазыҳәареи.
Сара агәра згоит Аԥсни Приднестровиеи рыбжьара аиҩызареи аҳаҭыреиқәҵареи апринципқәа шьаҭас измоу аизыҟазаашьақәа аԥхьаҟагьы қәҿиарала аҿиара шроуа, ишыӷәӷәахо ҳажәларқәа реизҳазыӷьара ахьӡала.
Ҳаҭыр зқәу Вадим Николаи-иԥа, ари аныҳәамш аҽны гәык-ԥсык ала ишәзеиӷьасшьоит агәабзиара, аихьӡарақәа аҭакԥхықәра зцу аҳәынҭқарратә усураҟны, ҳаиашьартә жәлар Приднестровиа ажәлар — аҭынчра, ахирра, аизҳазыӷьара».