▫️ Аусмҩаԥгатә иалахәын Аԥыза-министр Делба Владимир, Ахада Иадминистрациа Анапхгаҩы Ешба Беслан, Апарламент Ахантәаҩы Ашәба Лаша, аиҳабыра алахәцәа, Апарламент адепутатцәа, Аԥсны иҟоу Урыстәыла Ацҳаражәҳәаҩ Михаил Шургалин, Урыстәыла Аҳәынҭқарратә Дума адепутат Константин Затулин, аибашьра аветеранцәа ауаажәларра ахаҭарнакцәа.

▫️ Ахада ҷыдала иаҵшьны иазгәеиҭеит Аҩбатәи Ахада Сергеи Багаԥшь  Аԥсны ахьыԥшымра азхаҵараҟны инаигӡаз ароль. 

▫️ «Аԥсны Аҳәынҭқарра Аҩбатәи Ахада Сергеи Багаԥшь иуадаҩыз аамҭақәа раан ҳтәыла ахьыԥшымра азхаҵарахьы анагара илшеит. Иара ихаан Урыстәылатәи Афедерациа Аԥсны ахьыԥшымра азханаҵеит. Уи иуаҩытәҩсатә ҟазшьақәа, идипломатреи ипатриотизмреи аҵак дуӡӡа змоу ари ахықәкы анагӡараҟны ихадароу ароль нанагӡеит», — иҳәеит Гәынба Бадра.