▫️ Аҳәынҭқарра Ахада Аԥсны Аџьынџьтәылатә еибашьраҟны иҭахаз ақыҭа ауааԥсыра ҳаҭырла игәалаиршәеит.   

▫️ Аиааира 30 шықәса ахыҵра инамаданы иргылаз ақыҭаҟнытә иҭахаз рбаҟа ахәҭақәак хыркәшаӡам. Ахада адҵа ҟаиҵеит Аиааира амш аҟынӡа ахыркәшаразы. 

▫️Анаҩс Ахада ақыҭа аиҳарак ӡыла еиқәзыршәо амкьаҭ дахәаԥшны ибеит.   

Амкьаҭи аӡымҩангагақәа рыхәҭаки ахьажәыз иахҟьаны аӡы рацәаны ирцәыӡуеит аҟнытә ақыҭауаа рызхара роуӡом, урҭ рырҿыцра аҭахуп.  

▫️ Ахада Шьаҭанкылатәи аргылара аусбарҭа аиҳабы Гамсаниа  Демир инапы ианиҵеит иахымгакәа апроект-харџьынҵатә документациа азырхианы аӡеизакырҭа арҽеира нап аркра, иара убас иажәыз аӡымҩангагақәа  рыԥсахра. 

▫️ Ақыҭа фымцала аиқәыршәара азҵааразы аҭагылазаашьа атәылаҟны егьырҭ ақыҭақәа рҿы ишыҟоу еиԥш, иуадаҩуп. Ахада иаҵшьны иҳәеит ақыҭаҟны иҟоу ихадароу ауадаҩрақәа ашықәс анҵәамҭанӡа ишыӡбахо.