Аԥсны Ахада Гәынба Бадра Аԥсни Урыстәылеи Жәлар рартист Гыцба Алиса лиубилеи лыдиныҳәалеит. ▫️ «Ҳаҭыр зқәу Алиса Шьалуа-иԥҳа! ▫️ Гәык-ԥсык ала ишәыдысныҳәалоит шәиубилеи! ▫️ Шәара шәбаҩхатәра ду, еицакра зқәым асценатә гәамч, аҟазарахь ишәымоу агәбылра акыр шықәса раахыс Аԥсни уи анҭыҵи ахәаԥшҩцәа хнахуеит. Шәара асценахь шәцәырҵра агәбылреи, ацәанырра ҳаракқәеи, аҟазара дуи рыла иҭәу хҭысны иҟалоит. ▫️ Шәара — ҳтәылеи ҳажәлари ззыгәду шәыруаӡәкуп. Акультура аҿиараҟны шәалагаламҭа аҵак ду амоуп, иҵаулоуп, аҳаҭырқәҵара ду иаԥсоуп.  ▫️ Абри аныҳәамш аҽны ишәзеиӷьасшьоит агәабзиара, ахирра, агәеизҳара, арҿиаратә гәазыҳәара. Шәызну арҿиаратә мҩаҟны шьаҿацыԥхьаӡа иацзааит анасыԥ, аихьӡарақәа ҿыцқәа, ахәаԥшҩцәа рыбзиабара».