«Garuda Glamping» еиднакылоит зыда ԥсыхәа ыҟам инфраструктурала еибыҭоу 50 мшьамба-ҩни 20 коттеџьи. Акомплекс аҟны иазԥхьагәаҭоуп «зегьы аҵанакуеит» асистемала акрырҿаҵара, SPA-зона, агәабзиарачаԥаратә программа, иара убас аспорттәи ахәыҷтәи зонақәа.
«Ҳара ҳзы аҵак ду амоуп аҩныҵҟатәии аекологиатәии туризм арҿиара. Ас еиԥш апроектқәа аԥсшьаразы аҭагылазаашьа бзиақәа аԥырҵоит , алшара ҿыцқәа аадыртуеит, Аԥсны асасцәа еиҳагьы иаднаԥхьало иҟарҵоит», — иазгәеиҭеит Гәынба Бадра.
Сергейи Кириенко иҳәеит ас иҟоу атуристтә ԥсшьара хкы ирццакны арҿиара шаҭаху, атәыла зегьы амҽхакны агеографиа ырҭбаауа, ақыҭанхамҩатә туризмгьы надкыланы.