▫ ️ Азауад «Ахшҭирҭа» адиректор Баҭал Ӡаԥшьба апроект анагӡара шымҩаԥысуазы адырра ҟаиҵеит. 3 нызқь метр ԥшьыркца рҟынӡа зҵазкуа аобиект азинҷыдатә кредитҭара апрограмма аҳәаақәа ирҭагӡаны иргылоуп. Аусурақәа ирылагеит 2024 шықәса нанҳәамзазы. Азауад аусура ахацыркра азԥхьагәаҭоуп 2026 шықәса мшаԥымзазы.
▫️ Анаплакы уахыки-ҽнаки рыла 10 тоннак аалыҵ аҭыжьра алшоит. Аалыҵ хкы иеиднакылоит ахш, ахырҵәы, акефир, ашәқәа, ахаҷа, ахәша. Уажәы аобиект 95% рҟынӡа ихиоуп, амаругақәа реибыҭара рхыркәшара мҩаԥысуеит.
▫️ Азауад алагамҭатә усураан иазԥхьагәаҭоуп 35 усурҭа ҭыԥ, амчхара нагӡаны аалыҵҭыжьра ианалага, аштат 45-ҩык рҟынӡа иазҳауеит.