Аԥсны Аҳәынҭқарра Ахада Гәынба Бадра Иусԥҟала 1992–1993 шш. Аԥсны Аџьынџьтәылатә еибашьраан Аԥсадгьыл аҿаԥхьа рылшамҭа дуқәа рзы, Аполитикатә партиа «Амцахара» аԥҵареи апринципқәа рыхьчараҟны хаҭалатәи рлагаламҭақәа рзы, Аԥсны Аҳәынҭқарра ауажәларра-политикатә ԥсҭазаара активла аҽалархәразы рыԥсҭазаара ианалҵ ашьҭахь «Ахьӡ-Аԥша» аорден  II аҩаӡара ранашьоуп Арӡынба Салыбеи Зосим-иԥеи Аиба Гарик Григори-иԥиеи.

▫️ Аԥсны Аҳәынҭқарра Ахада Гәынба Бадра Иусԥҟала 1992–1993 шш. Аԥсны Аџьынџьтәылатә еибашьраан Аԥсадгьыл аҿаԥхьа илшамҭа дуқәа рзы, Аԥсны Аҳәынҭқарра ауажәларра-политикатә ԥсҭазаара активла аҽалархәразы, амилаҭтә сахьаркыратә культураҟны илагаламҭазы «Ахьӡ-Аԥша» аорден II аҩаӡара ианашьоуп Леон иорден занашьоу Џьапуа Баҭал Рушьни-иԥа.

▫️ Аԥсны Аҳәынҭқарра Ахада Гәынба Бадра Иусԥҟала 1992–1993 шш. Аԥсны Аџьынџьтәылатә еибашьраан Аԥсадгьыл аҿаԥхьа илшамҭа дуқәа рзы, Аполитикатә партиа «Амцахара» аԥҵараҟны хаҭалатәи илагаламҭазы, Аԥсны Аҳәынҭқарра ауажәларра-политикатә ԥсҭазаара активла аҽалархәразы, «Ахьӡ-Аԥша» аорден II аҩаӡара ианашьоуп Тәанба Виктор Шьалуа-иԥа.