Уи Аԥсныҟа дааит Инал - иԥа Шьалуа Денис-иԥа диижьҭеи 110 шықәса аҵра иазкны имҩаԥысуаз IV Жәларбжьаратәи аҭҵаарадырратә конференциа алахәхаразы.

Аиԥылара иара убас далахәын Д. Гәлиа ихьӡ зху Аԥсуаҭҵааратә институт адиректор Арда Ашәба.

Аҳәынҭқарра Ахада Муҳамед Огузов иҭабуп ҳәа иеиҳәеит Аԥсныҟа иаареи, аԥсуа жәлар рыҭҵаарадырратәи ркультуратәи ҭынха иаиҭо азҿлымҳареи, иара убас аԥсуеи абазеи жәларқәа реимадарақәа рырӷәӷәареи реизааигәатәреи иазырхоу ирҿиареи иуаажәларратә усуреи рзы.

 Муҳамед Огузов иганахьала иазгәеиҭеит ирҿиареи иуаажәларратә усуреи рыла аиашьаратә жәларқәа ҩба реизааигәахара ацхраара дшашьҭоу. Иара инаҵшьны иазгәеиҭеит ари атема иҩымҭақәа рҿы аҭыԥ ҷыда шааннакыло, Аԥсны даҽазныкгьы аҭааразы алшара ахьимаз гәахәарала ишидикыло.