▫️ Аҳәынҭқарра Ахада иқәгылараҿы иҳәеит:

▫ ️ «Ҳаҭыр зқәу Беслан Владислав-иԥа, ҳаҭыр зқәу абанктә система аусзуҩцәеи аветеранцәеи!

▫️ Акыр иаԥсоу аҩызцәа!

▫ ️ Гәык-ԥсык ала ишәыдысныҳәалоит Аԥсны Аҳәынҭқарра Амилаҭтә банки абанктә системеи 35 шықәса ахыҵра.

▫ ️ Аԥсны Аҳәынҭқарра иахьатәи абанктә система аҭоурых ахы ыҵнахуеит 1991 шықәса жәабранмза 28 инаркны, «Абанк Хада ази» «Абанкқәеи абанктә усуреи рзы» азакәанқәа рыдкыларала. Убасҟан ауп ахала имҩаԥысуаз афинанстә ҿиаразы азинтә шьаҭа анаԥҵаз, Абанк Хада СССР Аҳәынҭқарратә банк Аԥснытәи ареспубликатә усбарҭа шьаҭас иаҭаны ианеиҿкааз. Арҭ азакәанқәа раԥхьаӡа акәны Аԥсны аекономика аҿиара аинтересқәа ҳасаб рзуны абанктә усҳәарҭақәа рҭаххара аҳәаақәҵаразы алшара аԥырҵеит, урҭ афинанстә суверенитет арӷәӷәаразы акрызҵазкуа шьаҿаны иагьыҟалеит.

▫️ Иҳаҩсыз ашықәсқәа рзы абанктә система аҳәынҭқарратәреи, афинанстә ҭышәынтәалареи, асоциал-економикатә ҿиареи алзыршоз ауасхыр ӷәӷәақәа ируакхеит. Уи аҭышәынтәалареи аеффективреи зеиԥшроу еиԥш ауп аинвестициатә ҳауа, анаплакра адгылара аҭара, аҳәынҭқарратә программақәа рынагӡара, атәылауаа реизҳазыӷьара реиԥш иҟоу ахырхарҭақәа рхаҭабзиарагьы шышьақәгыло.

▫ ️ Амилаҭтә банк инеиԥынкыланы, профессионалла имҩаԥнаго аусура иабзоураны Аԥсны еиҿкаауп аамҭа аҭахрақәеи аҳәынҭқарра аҿиара иазынархоу ауснагӡатәқәеи ирықәшәо ҳаамҭазтәи, апрофессионалтә банктә система. Амилаҭтә банк афинанстә сектор агәрагара алыршареи, абанктә институтқәа рыгәрагара арӷәӷәареи, аҳәынҭқарратә финанстә политика анагӡареи рус аҿы ихадароу ароль нанагӡоит.    В этот знаменательный день выражаю искреннюю признательность всем работникам банковской сферы за высокую ответственность, компетентность и преданность делу.

Аҵак ду змоу абри амш аҽны абанктә усхк аусзуҩцәа зегьы гәык-ԥсыкала иҭабуп ҳәа расҳәар сҭахуп иаадырԥшуа аҭакԥхықәра ҳараки, рдыррақәеи, рнапы злаку ус азыҟазаашьеи рзы.

▫ ️ Ишәзеиӷьасшьоит агәабзиара, ахирра, аԥхьаҟагьы ақәҿиарақәа, Аԥсны Аҳәынҭқарра аизҳазыӷьара ахьӡала аихьӡара ҿыцқәа!»