▫ ️ Аусԥҟа  иаҵаҩуп иналукааша аҵарауаҩ, аҭоурыхҭҵааҩ-кавказҭҵааҩ, апоет, апублицист, арҵаҩы, аҳәынҭқарратәи ауаажәларратәи усзуҩы, аԥсуа жәлар рмилаҭ-хақәиҭратә қәԥара алахәҩы, Аԥснытәи аҳәынҭқарратә университет Аԥсны аҭоурыхи, археологиеи, аетнологиеи ркафедра апрофессор, Адыгеиатәи жәларбжьаратәи аҭҵаарадыррақәа ракадемиа академик, Д.И. Гәлиа ихьӡ зху Аԥсуаҭҵааратә институт аҭоурых ҿыци иҿыцӡоу аҭоурыхи рыҟәша аҭҵаарадырратә усзуҩ хада, Д.И. Гәлиа ихьӡ зху Аҳәынҭқарратә премиа алауреат, Аԥсны Аҳәынҭқарра аҭҵаарадырра зҽаԥсазтәыз аусзуҩ, «Ахьӡ-Аԥша» аорден II аҩаӡара занашьоу, 1989 Шықәсазы Лыхнытәи ааԥхьара ацавтор, арҵагатә шәҟәқәа рыцавтор Лакоба Станислав Зосим-иԥа игәалашәара анаунагӡатәреи, иҭҵааратәи ирҿиаратәи ҭынха аиқәырхареи, иара убас икьыԥхьым иусумҭақәа рҭыжьра алыршара хықәкыс иҟаҵаны.

▫️ Аҳәынҭқарратә комиссиа ахантәаҩыс даҭоуп Аԥсны Аҳәынҭқарра Аԥыза-министр Ихаҭыԥуаҩ Џьансыхә Нанба.

▫ ️ Ахантәаҩы ихаҭыԥуаҩыс - Аԥсны Аҳәынҭқарра акультура аминистр Даур Ақаҩба.

▫ ️ Аҳәынҭқарратә комиссиа амаӡаныҟәгаҩыс даҭоуп Аԥсны Аминистрцәа Реилазаара Аппарат агуманитартәи асоциалтәи зҵаарақәа рзы аусбарҭа аиҳабы Елеонора Агрба.

▫️ Аҳәынҭқарратә комиссиа аилазаара иалоуп: 

▫ ️ Ашәба Арда Енвер-иԥа ­- Д.И. Гәлиа ихьӡ зху Аԥсуаҭҵааратә институт адиректор.

 ▫ ️ Аҩӡба Аслан Фазлыбеи-иԥа – Д.И. Гәлиа ихьӡ зху Аԥсуаҭҵааратә институт аҭоурых ҿыци иҿыцӡоу аҭоурыхи рыҟәша аиҳабы;

▫️  Барганџьиа Даур Андреи-иԥа — ауаажәларратә усзуҩы, Аԥсны Жәлар Реизара — Апарламент I ааԥхьара адепутат (1991-1996 шш.);

▫️ Дбар Алықьса Иасон-иԥа —Д.И. Гәлиа ихьӡ зху Аԥсуаҭҵааратә институт ахыҵхырҭаҭҵаара аҟәша аҭҵаарадырратә усзуҩ;

▫ ️ Габелиа Алик Николаи-иԥа — Аԥснытәи аҳәынҭқарратә университет аҭоурыхтә факультет адекан;

▫️ Гәарамиа Алеко Алықьса-Иԥа — Аԥснытәи аҳәынҭқарратә университет аректор;

▫ ️ Гәынба Хана Владимир-Иԥҳа — Аԥсны аҵара аминистр;

▫ ️ Гәырџьуа Валери Теб-иԥа — ауаажәларратә усзуҩы, Аԥсны Жәлар Реизара-Апарламент I ааԥхьара адепутат (1991-1996 шш.).;

▫ ️ Дамениа Олег Нестор-иԥа — ауаажәларратә усзуҩ, Аԥсны Жәлар Реизара-Апарламент I ааԥхьара адепутат (1991-1996 шш.).;    

 ️ Џьынџьал Сократ Раҷ-Иԥа-ауаажәларратә усзуҩ, Аԥсны Жәлар Реизара — Апарламент I ааԥхьара адепутат (1991-1996 шш.);  

▫ ️ Лакоба Отто Станислав - иԥа — С. З. Лакоба иԥа;

▫️ Ԥлиа Давид Ҷыҷ-иԥа — ауаажәларратә усзуҩы, Аԥсны Жәлар Реизара-Апарламент I ааԥхьара адепутат (1991-1996 шш.);

▫ ️ Ҳашыг Руслан Мкан-иԥа — ателеканал «Абаза-ТВ» Адиректор хада;

▫️ Чрыгба Виачеслав Андреи-иԥа — Аԥсны Аҳәынҭқарра Ахада иҟны иҟоу Астратегиатә ҭҵаарақәа рцентр адиректор;

▫ ️ Шамба Сергеи Мирон-иԥа — Аԥсны Аҳәынҭқарра Ахада жәларбжьаратәи аусеицуразы иабжьгаҩ.

▫️ Аҳәынҭқарратә комиссиа Аусԥҟа инақәыршәаны, анапынҵа ҟаҵоуп 2026 шықәса мшаԥымза 7 иахымгакәа Аԥсны Аминистрцәа реилазаара ахәаԥшразы рыдгаларазы ажәалагалақәа:

* Лакоба С. З. игәалашәара анаунагӡатәразы;

* Лакоба С.З. икьыԥхьым инапылаҩырақәа, исалам шәҟәқәа, иажәахәқәа, иҭҵаарадырратә усумҭақәа рыҭҵаара, аус рыдулара, рҭыжьра алыршаразы.

▫️ Аԥсны Аминистрцәа реилазаара анапы ианҵоуп:

 * Аҳәынҭқарратә комиссиа аусураҿы афинанстәи атехникатәи цхыраара аҭара;

* Аҳәынҭқарратә комиссиа ажәалагалақәа шьаҭас иҟаҵаны ишьақәыргылоу аԥҟарала Лакоба С.З. игәалашәара, ирҿиаратәи иҭҵаарадырратәи ҭынха анаунагӡатәра иазырхоу аӡбамҭақәа рышьақәырӷәӷәареи рынагӡареи алыршара, Лакоба С. З. иҭыжьым иҭынха аҭҵаареи акьыԥхьреи уахь иналаҵаны.